თბილისში არის უბნები, რომლებიც უბრალოდ საცხოვრებელი ზონები არ არის - ისინი სოციალური სტატუსის, ცხოვრების სტილისა და სამომავლო კეთილდღეობის გამოხატულებაა. ვაკის რაიონი, განსაკუთრებით ბაგები, სწორედ ასეთად ჩამოყალიბდა. 

ბაგებში ბოლო წლებში თავი მოიყარა ზედა საშუალო და შეძლებულმა კლასმა, რაც უბანში სულ სხვა ატმოსფეროს აყალიბებს. ბაგების ისტორია კარგადაა ცნობილი, ის სწრაფად განვითარდა სტუდქალაქიდან - პრესტიჟულ დასახლებამდე. ყოველდღიურად იხვეწება ინფრასტრუქტურა და იზრდება უძრავი ქონების ფასები. ამგვარ უბანში ცხოვრება ხელს უწყობს სოციალური კაპიტალის დაგროვებას, მით უფრო მაშინ, როდესაც შენ ცხოვრობ პრემიუმ კომპლექსში!

ბაგების მთავარი უპირატესობა სწორედ მის სოციალურ და ურბანულ ეკოსისტემაშია:

• მაღალი ხარისხის ინფრასტუქტურა;
• ჯანსაღი ურბანული გარემო და სუფთა ჰაერი;
• სპორტული და რეკრეაციული სივრცეები;
• უსაფრთხოება და სიმყუდროვე;
• სიახლოვე ცენტრთან, თუმცა ნაკლები ხმაური;
• ხელმისაწვდომი სერვისები.

უძრავი ქონების ბაზარი, განსაკუთრებით ვაკის პრესტიჟულ უბნებში, ისტორიულად გამოირჩევა ფასის სტაბილური ზრდით. ბაგები კი ამ ტენდენციაში გამორჩეულ ადგილს იკავებს. ბოლო წლების განმავლობაში ბაგებში კვადრატული მეტრის ღირებულება თანმიმდევრულად იზრდება, რაც მას საინვესტიციო თვალსაზრისით ერთ-ერთ ყველაზე უსაფრთხო და პერსპექტიულ ლოკაციად აქცევს.

ინვესტიციის უპირატესობები:

• გაქირავების მაღალი პოტენციალი: მოთხოვნა ბაგებში მდებარე ბინებზე მუდმივად მაღალია, რაც უზრუნველყოფს სტაბილურ და სოლიდურ შემოსავალს;
• კაპიტალის ზრდა: მიწის სიმცირე და სტრატეგიული მდებარეობა გრძელვადიან ზრდას უზრუნველყოფს;
• მაღალი ღირებულება კრიზისულ პერიოდშიც: პრესტიჟულ უბნებში მდებარე უძრავი ქონება მეტ ეკონომიკურ მდგრადობას ამჟღავნებს რთულ პერიოდებშიც.

თბილისის ურბანული განვითარების ტენდენციები მიუთითებს იმაზე, რომ ინფრასტრუქტურული მოდერნიზაცია გაგრძელდება - იგეგმება სარეკრეაციო ზონების გაფართოება, სატრანსპორტო ხელმისაწვდომობის გაუმჯობესება და ეკოლოგიური დონის ამაღლება. ეს ყველაფერი კიდევ უფრო გაამყარებს ბაგების, როგორც პრემიუმ საცხოვრებელი ზონის რეპუტაციას.